Links: 'n aanduiding van Pool of Shiloah. Ons kon ongelukkig nie die bad self sien nie aangesien dit gesluit was maar dit was nogtans 'n eraring om so naby aan so n besonderse plek te wees.Regs: 'n Skildery van 'n soldaat by die gebedsmuur. Dit is baie insiggewend om die talle jong seuns en dogters in uniform met die groot gewere te sien, seker niks ouer as 18 of 19 nie. Laat ons saam met die soldaat bid vir die vrede van Jerusalem, nou meer as ooit.
Ons het vandag, Wed 19 Sep , in Jerusalem (Israel) aangekom. Ons was lank by die grens opgehou. Hulle het ons behoorlik geondervra oor ons in Sudan was. Ek het geweet die twee lande het nie ooghare vir mekaar nie maar ek het nie geweet dit is so erg nie. Hulle het ons 4 apart ondervra om te kyk of ons storie klop. Na so 4 ure se gewag het hulle uiteindelik die groen lig van iewers gekry om ons tot die land toe te laat. Dinge lyk glad nie lekker tussen die twee partye hier in Jerusalem nie. Met ons aankoms hier het ons vas geloop in 'n optog.
Ons het vandag, Vrydag 14 Sept, so teen 12:00 in Kairo (Egipte) aangekom. Glo my ons het die genade van die Here die afgelope tyd intens ervaar. Soos Frankquit gese het die afgelope tyd vanaf Khartoem tot hier weet hy nie vir wie hy die meeste gebid het: vir die kontinent of vir ons persoonlike veiligheid nie.
